Dan il-kors huwa maħsub għal studenti li jkunu spiċċaw l-iskola sekondarja u jkollhom diffikultajiet moderati biex jitgħallmu. Fil-kors l-istudenti jitħarrġu mhux biss fil-ħiliet bażiċi iżda wkoll f'ħiliet biex ifendu għal rashom. Barra minn hekk l-istudenti jingħataw l-opportunitą jsiru midħla ta' oqsma vokazzjonali li jogħġbuhom. L-għan ewlieni tal-kors hu li l-istudenti jitgħallmu jgħixu għal rashom u jkunu jistgħu jsibu xogħol fil-komunitą jew jaqbdu kors ieħor xieraq għalihom.

Kull min ikun jixtieq japplika għal dan il-kors, qabel ma jitfa' l-applikazzjoni tiegħu, irid jagħmel appuntament ma' membru tat-Tim għall-Inklużjoni fit-Tagħlim li qed jieħu ħsieb il-Programm ta' Tħejjija għal ħajja Indipendenti biex jara l-kors jgħoddx għalih. L-appuntamenti jistgħu jsiru direttament ma' xi ħadd mit-Tim għall-Inklużjoni fit-Tagħlim fuq 21412010 jew b'telefonata liċ-Ċentru ta' l-Informazzjoni fuq 23987100/117.

Jekk tixtieq tistaqsi xi ħaġa fuq il-kors u minn xiex inhu magħmul, inħeġġuk iċċempel 21412010 u nagħtuk it-tagħrif li tkun teħtieġ.