| COURSES |
|
|
|
| EUROPEAN SOCIAL FUND COURSES (ESF) |
|
|
|
|
 |
| SERVIZZI TA' 'GUIDANCE' U 'COUNSELLING' |
Gwida fil-Karriera u Konsulenza Personali
It-Tim ta’ Counsellors u ta’ l-uffiċjali li joffru
gwida għall-karriera fl-MCAST jaħdmu flimkien
biex imexxu u joffru l-aħjar servizz kemm għallistudenti
prospettivi u l-ġenituri tagħhom kif ukoll
għall-istudenti tal-MCAST li jieħdu korsijiet fiddisa’
istituti differenti u fiċ-ċentru ta’ Għawdex.
Gwida Vokazzjonali
Dan l-aħħar rajna żieda enormi fl-opportunitajiet
edukattivi fis-setturi kollha u fuq livelli differenti.
Aħna qed naraw ukoll bidla mill-impjiegi tradizzjonali
fis-settur tal-manifattura għal opportunitajiet
intraprenditorjali fl-industrija tas-servizzi. Dawn
il-bidliet fis-suq tax-xogħol jenfasizzaw il-ħtieġa
ta’għażla infurmata dwar il-karrieri.
F’kulleġġ bħall-MCAST, fejn l-istudenti jiġu
mħarrġa għall-karriera li jagħżlu huma, il-gwida
vokazzjonali hija ta’ importanza kbira. Jekk
l-istudenti jkunu ħadu deċiżjoni infurmata u jkunu
ċerti dwar l-għażla tagħhom, huma jkunu jeħtieġu
appoġġ u inkoraġġiment biex jibqgħu għaddejjin fi
triqthom. Jekk l-istudenti ma tantx ikunu ċerti jew
sabu diffikultajiet tul il-kors ta’ taħriġ, ikun jeħtieġ
li jsiru konxji ta’ opportunitajiet oħra. L-Ufficjali ta’
l-MCAST li joffru gwida għall-karrieri, jgħinu lillistudenti
f’dan il-proċess ta’ żvilupp billi jagħtuhom
appuntamenti individwali biex jgħinuhom jesploraw
karrieri alternattivi u jiddeċiedu dwar liema hi
l-aħjar waħda sabiex jilħqu l-miri tagħhom. Barra
minn hekk, jiġu mgħejjuna studenti li ma jkunux
sodisfatti bl-għażla tagħhom ta’ programm ta’
studju fl-MCAST jew fi kwalunkwe istituzzjoni oħra
post sekondarja jew Terzjarja.
L-Ufficjali ta’ l-MCAST li joffru gwida għall-karrieri
jesploraw flimkien ma’ l-istudent programmi
alternattivi ta’ studju disponibbli fl-MCAST jew
f’postijiet oħra. L-adulti li qed jikkunsidraw li
jkomplu l-istudji tagħhom jew li qed ifittxu karrieri
alternattivi jistgħu jużaw ukoll is-servizzi tal-gwida
fil-karriera tal-MCAST. Tel: 23987135/6 Email:
careerguidance@mcast.edu.mt
Counselling Personali
Il-counselling jista’ jintuża bħala mezz biex l-istudenti
jiksbu iktar mill-ħajja. Il-counselling personali fl-
MCAST huwa iktar orjentat lejn it-tkabbir u jiffoka
fuq il-futur, fuq l-għanijiet li jipprovdu direzzjoni fil-
ħajja u fuq il-ħila tal-istudenti biex joħolqu d-destin
tagħhom stess.
L-istudenti huma mħeġġa biex ifittxu l-għajnuna
u jużaw is-servizz tal-counselling. F’xi diffikultajiet
li niltaqgħu magħhom fil-ħajja, l-appoġġ,
l-inkoraġġiment u l-ftehim jistgħu jgħinu lillistudenti
biex jirreaġixxu għall-emozzjonijiet
tagħhom. Il-counselling huwa effettiv sal-punt li
l-istudenti, permezz tal-interazzjoni bejn l-Istudent
u l-counsellor, ikunu f’pożizzjoni aħjar biex jifhmu
is-sitwazzjonijiet diffiċli tagħhom u/jew jiżviluppaw
ir-riżorsi mhux użati u l-opportunitajiet tal-ħajja
tagħhom b’mod iktar effettiv.
Il-proċess jinkludi:-
- Identifikazzjoni, esplorazzjoni u kjarifika ta’
sitwazzjonijiet li joffru sfida u opportunitajiet
mhux użati.
- Għajnuna lill-istudenti biex jiżviluppaw għanijiet,
objettivi jew aġendi bbażati fuq għarfien orjentat
lejn l-azzjoni tas-sitwazzjoni tal-problema – u
jistabbilixxu prijoritajiet.
- Għajnuna lill-istudenti biex jiżviluppaw strateġiji
ta’ azzjoni għat-twettiq tal-miri, opportunitajiet li
se jagħmlu differenza.
- Għajnuna lill-istudenti biex jaġixxu skont dak
li jkunu skoprew kemm qabel kif ukoll waqt
s-sessjoni ta’ counselling.
Il-counsellors tal-MCAST jemmnu li l-istudenti
tagħhom għandhom l-enerġija u li huwa f’idejn
l-adulti kollha involuti biex ineħħu r-restrizzjonijiet
minn fuqhom u jħalluhom jimmassimizzaw ilpotenzjal
tagħhom għas-sodisfazzjon personali
tagħhom u biex iġibu benefiċċji pożittivi fis-soċjetà.
Attivitajiet fi Gruppi
Il-counsellors jikkunsidraw kemm il-ħtiġijiet individwali
tal-istudenti kif ukoll il-ħtiġijiet tal-grupp/
klassi. Fil-klassijiet kollha u speċjalment fil-work
shops, huwa importanti li l-istudenti jgħinu lil
xulxin u li jaħdmu bħala tim. Din il-ħidma fi gruppi
twassal għal riżultati aħjar kemm fuq livell individwali
kif ukoll fil-klassi. L-esperjenza tal-ħidma
fi gruppi fl-MCAST tipprepara lill-istudenti biex
jadattaw u jikkollaboraw mal-kollegi tagħhom
meta, fil-futur, dawn jimplimentaw l-aspirazzjonijiet
tagħhom fil-karrieri li jkunu għażlu.
Gruppi ta’ Arrikkiment
L-esperjenzi tal-ħajja jistgħu jkunu ħafna u jvarjaw
bejn dawk li jseħħu direttament lilna, u dawk
li huma esperjenzati mill-ħbieb jew mill-familja
tagħna, iżda li jaffettwawna xorta waħda. Il-gruppi
ta’ arrikkiment jgħinu lill-istudenti biex jaħdmu f’tali
sitwazzjonijiet b’mod li jistgħu jsiru persuni iktar
rikki u b’saħħithom.
Dawn il-gruppi huma offruti matul is-sena kollha
u jinvolvu sa għaxar studenti li jaħdmu ma’
faċilitatur tal-gruppi (counsellor) f’sessjonijiet ta’
siegħa biss kull ġimgħa. Il-karatteristiċi tal-ħidma
fi gruppi jippermettu tip ta’ interazzjoni li ma tkunx
possibbli f’ħidma bejn żewġ persuni. Għalhekk,
l-esperjenza tista’ tkun ukoll mod rispettat ħafna
ta’ kif jiġu indirizzati l-problemi emozzjonali.
Is-suġġetti li jiġu trattati jiddependu fuq it-talbiet talistudenti.
Xi eżempji ta’ suġġetti huma: L-Abbuż
Sesswali, id-Diffikultajiet fit-Tagħlim/id-Dyslexia,
it-Tkissir ta’ Relazzjonijiet, ADHD.
Ħiliet ta’ Għajnuna
– Minn Student għal Student
L-MCAST tinkoraġġixxi lill-istudenti tagħha
biex jiżviluppaw il-potenzjal totali tagħhom billi
tagħtihom appoġġ biex jiksbu l-ħiliet li jagħmluhom
adattati biex jagħtu kontribut importanti għassoċjetà
u biex ikunu studenti attivi u sensittivi tul
ħajjithom. Dan il-kors iċċertifikat jiġi organizzat
kull sena, u jsir mill-counsellor tal-Kulleġġ. Dan
jikkonsisti fi 30 siegħa ta’ taħriġ u huwa miftuħ għallistudenti
full-time kollha tal-MCAST. L-istudenti
li jipparteċipaw jingħataw l-opportunità li jtejbu
l-ħiliet tagħhom ta’ komunikazzjoni, kreattività,
riflessjoni u responsabbiltà etika, fost l-oħrajn.
Huma ġeneralment jiksbu żieda fil-kunfidenza
meta jsibu lilhom infushom jitkellmu ma’ ħbieb li
jiftħu qalbhom magħhom.
Wara dan it-taħriġ, il-counsellor tal-Kulleġġ
jorganizzaw u jikkoordinaw netwerk minn Student
għal Student. Dan jikkonsisti f’netwerk volontarju
fejn studenti li jkunu lestew il-kors ta’ taħriġ filĦiliet
ta’ Għajnuna jistgħu japplikaw sabiex isiru
voluntiera f’dan in-netwerk. Dan jinvolvi varjetà ta’
mgieba ta’ għajnuna interpersonali mill-istudenti li
jadottaw rwol biex jgħinu lill-oħrajn. Dan in-netwerk
huwa ssorveljat b’mod regolari mill-Konsulenti tal-
Kulleġġ. Email: student2student@mcast.edu.mt
Il-counsellors joffru s-servizzi tagħhom matul issena
kollha biex jinkoraġġixxu lill-istudenti biex
jippersistu fix-xogħol tal-kors tagħhom sakemm
finalment jilħqu l-miri tagħhom.
Għal appuntament mal-counsellors jekk jogħġbok
ċempel fuq 23987133/4 jew ibgħat email lil
counsellors@mcast.edu.mt.
|
|
 |
|
|
