Korsijiet Part-Time Marzu 2010 (għal studenti ta' 'l fuq minn 16-il sena)

Il-Formola tal-Applikazzjoni trid timtela u tintbagħat flimkien mal-ħlas totali fl-Uffiċċju tal-Part-Time Courses, Kampus Prinċipali tal-MCAST, Telgħa ta' Kordin, Paola PLA 9032. Mal-applikazzjoni u l-pagament l-applikanti huma mitluba jehmżu kopja tal-karta tal-identita' (quddiem u wara). Applikazzjonijiet bla ħlas u mingħajr il-kopja tal-karta tal-identita' ma jiġux proċessati. Iċ-cekkijiet ghandhom ikunu f'isem MCAST.

Il-formola tal-applikazzjoni tinkiseb ukoll miċ-Ċentru ta' Informazzjoni u Appoġġ, Kampus Principali tal-MCAST, Telgħa ta' Kordin, Paola, jew permezz tal-e-mail information@mcast.edu.mt.

Applikazzjonijiet

L-applikazzjonijiet jintlaqgħu fid-Dar tal-Istudenti, Kampus Principali tal-MCAST, Telgħa ta' Kordin, Paola mit-Tnejn l- 1 ta' Marzu sal-Erbgha 10 ta' Marzu 2010, bejn id-9.00 ta' fil-għodu u nofsinhar u mis-2.00 sal-4.00 ta' wara nofsinhar. Nhar il-Ħamis 4 ta' Marzu 2010, il-Kulleġġ jibqa' miftuħ sas-7.00 ta' fil-għaxija. Ma jigux aċċettati applikazzjonijiet fiċ-Ċ'entru ta' Informazzjoni u Appoġġ, qabel it-Tnejn l- 1 ta' Marzu 2010.

Ibgħat l-applikazzjoni tiegħek online

Applikanti prospettivi għal korsijiet part-time organizzati mill-MCAST jistgħu japplikaw ukoll online permezz ta' sistema online fuq www.mcastshortcourses.gov.mt. Id-dati li jidhru online jistgħu jinbidlu. Dawn jiġu kkomunikati lill-istudenti permezz ta' ittra li tinħareg mill-Amministrazzjoni Ċ'entrali tal-MCAST. Iktar informazzjoni dwar il-korsijiet offruti tista' tinkiseb mill-website www..mcastshortcourses.gov.mt jew billi ċċempel fuq in-numru 23987100 jew tibgħat e-mail fl-indirizz information@mcast.edu.mt.

Kundizzjonijiet tal-Applikazzjoni

• Il-Kulleġġ jirriżerva d-dritt li jiddeċiedi li kors ma jinżammx jekk ma jkunx hemm domanda kbira biżżejjed jew għal raġunijiet oħra ta' importanza għall-Kulleġġ. F'dan il-każ l-applikanti jingħataw lura l-ħlas li jkunu għamlu.
• L-applikazzjonijiet jiġu aċċettati fuq bażi 'first come first served'.
• L-ebda applikazzjoni ma tiġi aċċettata mingħajr pagament.
• Pensjonanti ser jibbenefikaw minn roħs ta' 75% fuq il-korsijiet kollha Part-Time jew kif ikun indikat. Kopja tal-Karta Anzjan trid tiġi mehmuża mal-applikazzjoni. Applikazzjonijiet mingħajr pagament u kopja tal-Karta Anzjan ma jiġux proċessati.
• Studenti li jattendu l-MCAST 'full time', jiġu offruti 50% roħs fuq kull kors Part-Time.
• M'hemm l-ebda tnaqqis mill-prezz fuq l-eżamijiet u ħlas ta' reġistrazzjoni tas-City and Guilds / BTEC / ITEC.
• Ikun hemm penali ta' €10 għal kull applikazzjoni li tasal wara l-Erbgha 10 ta' Marzu 2010. Applikazzjonijiet jintlaqghu skond id-dehiżjoni tal-MCAST.

Tħassir ta' Applikazzjonijiet

• L-applikanti li jħassru l-applikazzjoni tagħhom sa ħames ġranet tax-xogħol qabel jibda l-kors, jingħataw lura l-ħlas kollu li jkunu għamlu mal-applikazzjoni.
• L-applikanti li jħassru l-applikazzjoni tagħhom inqas minn ħames ġranet tax-xogħol qabel jibda l-kors, jeħlu penali ta' € 25.00.
• L-applikanti li jħassru l-applikazzjoni tagħhom wara li jibda l-kors ma jircievu EBDA ħlas lura.

Materjal tal-Kors u Notamenti

Sakemm ikun possibbli, in-notamenti tal-kors jipprovdihom il-Kulleġġ. L-istudenti jkunu meħtieġa jipprovdu l-materjal kollu li jkun hemm bżonn waqt il-kors. Għal aktar dettalji jekk jogħġbok ikkuntattja fuq 23987100 jew ibgħat email fuq information@mcast.edu.mt.

Programmi ta' City & Guilds / BTEC / ITEC

Hija r-responsabilta' tal-istudent li jara li japplika għall-eżamijiet fil-ħin, u li jgħaddi l-applikazzjoni tiegħu fl-Istitut fejn jattendi fiż-żmien stipulat. Applikazzjonijiet li jaslu tard, jeħlu penali.

Eżamijiet u Ċ'ertifikazzjoni tal-Korsijiet

1. Certifikat ta' Attendenza
   L-ebda certifikat ma jinhareg lil dawk kollha li l-attendenza tagħhom tkun inqas min 80%.
2. Certifikat
   Studenti li l-attendenza tagħhom tkun inqas minn 80% ma jkunux eligibbli li jersqu ghall-eżami finali tal-kors.

Andament tal-Kors

Lill-applikanti eliġibbli kollha:

1. Bidu tal-Kors
   L-applikanti eliġibbli kollha ta' kull kors jirċievu ittra uffiċjali fejn ikunu mgħarrfa meta u fejn ser isir il-kors. Id-dati li jidhru fuq is-sit tal-MCAST iservu biss ta' indikazzjoni.
2. Tħassir tal-lezzjonijiet
   F'każ ta' thassir ta' lezzjonijiet, l-istudenti jiġu mgħarrfa permezz ta' messaġġ fuq il-mobajl li n-numru tiegħu jkun imniżżel fuq il-formola tal-applikazzjoni.