Id-diagrammi għal-korsijiet ta' kull Istitut jintwerew b'dawn il-kuluri.

It-triq kif tagħmel progress minn kors għall-ieħor kif jidhru f'dan il-Prospectus huma applikabbli għas-sena 2011.

Il-Kulleġġ jirriserva id-dritt li jibdel din l-informazzjoni minn sena għall-oħra.

Applikanti Ġodda : Kif tapplika

1. Hu kunsidrat applikant ġdid jekk:
   Jew: Applikant li f'Ġunju 2011 ma kienx jattendi l-MCAST
   Jew: Student li falla l-ewwel sena tal-kors u jixtieq jerġa jibda l-istess kors
   Jew: Student li sa Ġunju 2011 kien jattendi kors l-MCAST u jixtieq jibda kors f'qasam differenti minn dak li spiċċa f'Gunju
   
   

2. L-Applikanti kollha għandhom jimlew il-Formola ta' Applikazzjoni uffiċjali.
   
   

3. Applikazzjonijiet mingħajr ir-rekwiżiti ta' dħul neċċesarji kollha ma jiġux ipproċessati.
   
   

4. Grades 5/C jew aħjar huma ikkunsidrati bħala O'level passes. Fil-każ ta' O'level passes fil-Malti, Taljan u Reliġjon huma aċċettati biss riżultati tas-SEC.
   
   

5. Applikanti li għamlu eżamijiet ta' Overseas Examing Boards u fil-ħin meta jintlaqgħu l-applikazzjonijiet ikunu ghadhom jistennew ir-riżultati, jistgħu jissottomettu applikazzjoni proviżorja (jimmarkaw is-suġġetti b'ittra P) li tiġi kkunsidrata jekk ir-riżultati jiġu ppreżentati sa l-aħħar ġimgħa t'Awissu.
   
   

6. Ebda dħul proviżorju ta' suġġetti ma jiġi aċċettat wara d-data ta' l-għeluq biex jidħlu l-applikazzjonijiet.
   
   

7. Wara d-data ta' l-għeluq biex jidħlu l-applikazzjonijiet ma jiġi aċċettat l-ebda bdil fil-formoli ta' applikazzjoni minbarra dawk ta' dħul proviżorju meta jkunu ppreżentati r-riżultati li jaslu f'Awissu mill-Overseas Examining Board.
   
   

8. Meta timtela l-Formola ta' Applikazzjoni t-Titolu ta' kors li wieħed ikun applika għalih u n-numru tal-kodiċi tal-Kors iridu jaqblu. Fil-każ li ma jaqblux, hu n-numru tal-kodiċi li hu kkunsidrat bhala l-għażla tal-kors.
   
   

9. L-MCAST qed jagħmel l-almu tiegħu biex ikun Kulleġġ li joffri opportunitajiet indaqs lil kulħadd. Għaldaqstant jilqa' fi ħdanu studenti bi bżonnijiet speċjali u li jsibu diffikulta' biex jitgħallmu. Applikanti bi bżonnijiet speċjali għandhom:

   • jkollhom iil-kwalifikazzjonijiet meħtieġa għad-dħul.
   • jkunu ddiskutew il-bżonnijiet tagħhom ma' xi membru tat-Taqsima għall-Inklużjoni fit -Tagħlim (IEU) qabel jitfgħu l-applikazzjoni.
   • jipproduċu evidenza professjonali riċenti bil-miktub dwar il-kundizzjoni speċjali tagħhom.
   • jipproduċu dokumenti professjonali riċenti dwar rekwiżiti speċjali biex isegwu l-kors

Biex tagħmel appuntament biex titkellem fuq il-bżonnijiet speċjali qabel ma tapplika għal xi kors ċempel dirett lill-(IEU) fuq 21 423754 jew liċ-Centru ta' l-Informazzjoni fuq 23987000 u jirreferuk lil xi ħadd li jkun jista' jgħinek.

Għażla ta' Applikanti u Informazzjoni Oħra

1. Studenti li f'Lulju 2010 temmew b'suċċess kors fl-MCAST u japplikaw biex isegwu kors ogħla fl-istess qasam ta' studju jingħataw priorita' fuq dawk l-applikanti li applikaw għal-istess kors minn barra l-MCAST.
   
   
2. Wara d-data tal-għeluq, Applikazzjonijiet ma jiġux aċċettati.
   
   
3. 1. Meta n-numru ta’ postijiet disponibbli f’kors hu limitat u n-numru tal-applikanti li jissodisfaw ir-rekwiżiti tad-dħul jaqbeż in-numru ta’ postijiet disponibbli, isir ordni tal-mertu fost l-applikanti.
   2. Aptitude Tests u/jew Interviews - Fil-każi fejn hemm bżonn aptitude test u/jew interview, l-għażla tal-istudenti tkun ibbażata fuq in-numru ta’ punti miksuba skond il-kwalifiċi wara li jkunu għaddew mit-test u/jew l-interview.
   3. Initial Assessment Tests - L-istudenti jingħażlu għall-kors ta’ Livell 1 jew Livell 2 skont ir-riżultat tal-Initial Assessment Tests.
   
   
   
4. Il-gradi kollha ta' riżultati ta' eżamijiet huma allokati numru ta' punti kif jidher fit-tabella t'hawn taħt.
   
   

   Livell Ordinarju		Livell Intermedju		Livell Avvanzat
   Grad	Punti	Grad	Punti	Grad	Punti
   1/A	10	A	16	A	26
   2	9	B	15	B	24
   3/B	8	C	14	C	22
   4	7	D	13	D	20
   5/C	6	E	12	E	18
   				O	6

   Ċertifikati Sħaħ u Diplomi sat-tielet livell jieħdu dawn il-punti:

   MCAST, BTEC, C&G, u oħrajn

   Over all Grade
   Cert.Level 2	Pass	12 points
   	Merit	16 points
   	Distinction	20 points
   Cert/Diploma Level 3	Pass	24 points
   	Merit	32 points
   	Distinction	40 points
   Cert/Diploma Level 4	Pass	54 points
   	Merit	66 points
   	Distinction	78 points
   Cert/Diploma Level 5	Pass	96 points
   	Merit	128 points
   	Distinction	160 points
   AVERAGE MARK	Pass	50 - 69%
   	Merit	70 - 89%
   	Distinction	90 - 100%

   Ebda Suġġett jew l-ekwivalenti tiegħu ma jista' jingħadd darbtejn iżda l-ogħla grad jew livell fis-suġġett hu kkunsidrat.

5. L-Applikanti għandhom jippreżentaw l-oriġinali u l-kopji tad-dokumenti msemmija meta jintalbu.
• Karta tal-Identita' Valida
• Ċertifikat tat-Tluq tal-Iskola
• Ċertifikat tal-kwalifiki msemmija fl-Applikazzjoni


6. Wara li applikant ikun ikkunsidrat eligibbli għal kors, in-numru ta' punti jinħadem skond ir-rekwiżiti tal-kors.



1. Il-punti totali għal-suġġetti Obbligatorji hu multiplikat bi 5.
   
2. Il-punti totali għal suġġetti Preferuti hu multiplikat bi 3.
   
3. Meta jkun hemm għażla fil-lista ta' Suġġetti Obbligatorji, dawk bl-għola gradi huma multiplikati b'5. Passes oħra obbligatorji addizzjonali huma ikkunsidrati bhala suġġetti Preferuti. Il-passes l-oħra kollha jingħataw in-numru relattiv ta' punti tagħhom.
   
4. It-total tal-punti kollha li jikseb l-applikant jindika l-post fl-ordni tal-mertu għad-dhul fil-kors.


7. Sakemm jinbena qafas universali ghal APL, il-kwalifiki meħtieġa kif jidhru biss fil-Prospett għal-korsijiet speċifiċi huma aċċettati.



8. L-Applikanti kollha li huma offruti post biex jibdew kors tintbagħtilhom Formola ta' Aċċettazzjoni għar-Reġistrazzjoni. Din il-Formola ta' Reġistrazzjoni għandha timtela u tingħata personalment fl-Uffiċju tar-Reġistratur fiż-żmien stipulat, bid-dokumenti meħtieġa. Jekk dan ma jsirx, il-post offrut fil-kors jista' jingħata lil applikant ieħor li jkun fil-lista ta' dawk li jkunu qed jistennew.



9. Applikant jista jiddelega persuna oħra tippreżenta il-formola tal-applikazzjoni jew tar-Reġistrazzjoni sakemm il-persuna delegata tippreżenta il-Karta tal-Identita' tagħha u ta' l-Applikant.



10. Jekk wara l-ewwel sejħa għal Applikazzjonijiet ikun hemm korsijiet fejn ikun hemm postijiet ghadhom disponibbli, ikun hemm sejħiet oħra għal Applikazzjonijiet.



11. Kull Applikazzjoni biex wieħed jibda kors jew kull talba għal bidla ta' kors għandha tgħaddi mill-Uffiċċju tar-Reġistratur u ma tkunx aċċettata wara data li jaqbel fuqha l-Council of Institutes.



12. Kull informazzjoni sottomessa fil-Formola ta' Applikazzjoni tista tkun mogħtija lid-dipartimenti differenti fl-MCAST u tintuża għal finijiet ta' statistika u gwida.



13. Meta n-numru ta' applikanti għal xi kors ma jkunx vijabbli, il-kulleġġ jirriserva d-dritt li ma joffrihx u l-applikanti jingħataw l-opportunita' li jibdlu l-ghażla tagħhom.



14. It-terminu 'part-time fuq apprendistat' użata f'dan il-Prospett ifisser li student jattendi numru ta' ġranet jew ġimgħat l-Istitut u l-bqija tal-ġimgħa jew tas-sena sponsorjat fuq il-post tax-xogħol bl-għajnuna tal-ETC.



15. L-istudenti li jissodisfaw dawn il-kundizzjonijiet jistgħu japplikaw biex jigu kkunsidrati jagħmlu korsijiet mal-MCAST bħala studenti maturi.
    • Ikollhom fil-pussess tagħhom Sċhool Leaving ċertifiċate
    • Għalqu sad-data tal-applikazzjoni,
      1. 23 sena għad-dħul fi programmi fil-livell 5 tal-Qafas Nazzjonali tal-Kwalifiki;
      2. 21 sena għad-dħul fi programmi fil-livelli 3 u 4 tal-Qafas Nazzjonali tal-Kwalifiki;
    • Juru li jistgħu jibbenefikaw u kapaċi isegwu il-kors waqt intervista li ssirilhom apposta
    
    L-istudenti magħżula jiġu msejħa għal intervista biex jiġi stabilit jekk il-kors huwiex adattat għalihom. Il-Bord tal-Għazla jista’ jitlob lil dawk magħżula biex joqogħdu għal studji addizzjonali bħala kundizzjoni tal-għażla. Il-Bord jista’ jirrakomanda kors aktar addattat għall-applikant.
    
    L-istudenti huma mħeġġa biex javviċinaw lill-Istitut jew isservizzi tal-Careers Guidance minn qabel ma jilħqu l-età għal-kwalifika hawn fuq.