L-apprendisti kollha huma intitolati għal għotja ta' manteniment u stipendju.

L-għotja ta' manteniment hi ta' €93.17   Lm40 fix-xahar, mill-inqas, għall-ewwel tlett snin ta' apprendistat (fejn applikabbli). L-istipendi jvarjaw skond is-sena li fiha l-istudent ikun qed jattendi taħriġ prattiku fuq il-post tax-xogħol.

L-apprendisti intitolati wkoll għal nofs il-bonus statutorju ta' sena.

Waqt li l-apprendist ikun qed jattendi t-taħriġ prattiku fuq il-post tax-xogħol, iħallas dawn ir-rati ta' kull ġimgħa ta' kontribuzzjonijiet lejn l-iskema Nazzjonali tas-Saħħa (N.I.):

Taħt it-tmintax-il sena - 10% tal-paga ta' kull ġimgħa sa massimu ta' €3.96  Lm1.70.

L’ fuq mit-tmintax-il sena - 10% tal-paga ta' kull ġimgħa sa massimu ta' €8.62  Lm3.70.

Is-siegħat tax-xogħol tal-apprendisti ma jaqbżux is-siegħat tax-xogħol li normalment japplikaw fl-istabbiliment fejn ikunu qed jaħdmu. Min iħaddem, ma għandu jħaddem l-ebda apprendist bis-sahra mingħajr il-kunsens bil-miktub tal-ETC. L-apprendisti li ma jattendux l-iskola jew il-post tax-xogħol mingħajr raġuni valida, jitnaqqsilhom l-istipendju u wara perjodu ta' żmien raġonevoli jitqiesu li jkunu abbandunaw l-iskema.

L-apprendisti intitolati għal:

Btajjel pubbliċi
Ġranet ta' mistrieħ
Leave għal mard
Leave minħabba luttu
Leave minħabba żwieġ
Leave minħabba korriment

Aktar dettalji dwar l-iskemi jinstabu fl-Avviżi Legali 82/1990 u 93/1998.