Il-Kulleġġ Malti għall-Arti, ix-Xjenza u t-Teknoloġija joffri firxa tant wiesgħa ta' korsijiet edukattivi u ta' taħriġ vokazzjonali u professjonali, f'tant oqsma fuq livelli differenti li huwa pjuttost faċli li żagħżugħ jew żagħżugħa jagħżel il-programm edukattiv u ta' taħriġ li jgħodd għalih jew għaliha. Madankollu, għażla ferm b'attenzjoni kbirata hija kruċjali sabiex ikun żgurat suċċess fi tmiem il-kors u, barra minn hekk, sabiex jitqiegħed pedament sod għal karriera futura.

B'hekk l-istudenti li temmew l-edukazzjoni sekondarja jew sekondarja ogħla tagħhom, u kisbu ċertifikat ta' Edukazzjoni Sekondarja (Secondary Education Certificate - SEC), ċertifikat Intermedju (Intermediate Certificate) jew livelli ta' Matrikola (Matriculation) li huma interessati li jidħlu fl-MCAST għandhom jaraw sewwagħtu lemħa lejn id-dettalji tal-korsijiet differenti offruti f'dan il-prospektus u jiffokaw fuq il-qasam li huma partikolarment interessati fih. L-MCAST joffri korsijiet anki lil studenti li temmew l-edukazzjoni sekondarja tagħhom mingħajr ma kisbu kwalifiki formali fuq il-karta.

L-istudenti jeħtieġ li jqisu l-kwalifiki, l-aspirazzjonijiet, il-ħtiġijiet u l-potenzjal tagħhom. L-istudenti se jinnotaw li fl-MCAST jistgħu jibdew l-edukazzjoni u t-taħriġ tagħhom minn livelli differenti. Barra minn hekk, eventwalment jistgħu jibnu fuq kwalifiki li jkunu diġà kisbu fl-MCAST peress li l-Kulleġġ joffri programmi flessibbli li jiġu regolarment aġġornati sabiex jissodisfaw il-htegietir-rekwiżiti ta' l-industrija.

Madankollu, kulfejn ikun possibbli, l-istudenti għandhom jitolbu pariri primarjament mingħand l-Għalliema tal-Guidance u l-Counsellors tagħhom kif ukoll mingħand l-għalliema tas-suġġetti li jafuhom sew sabiex ikunu ggwidati ħalli jagħżlu l-kors adattat għalihom. L-MCAST innifsu joffri gwida dwar l-għażla tal-korsijiet offruti u jorganizza laqgħat ta' informazzjoni għall-istudenti prospettivi. L-istudenti jeħtieġ li jagħmlu appuntament ħalli jirċievu l-attenzjoni li tixirqilhom. Jistgħu wkoll jiddiskutu l-għażla tagħhom ma' studenti li diġà għamlu xi kors fl-MCAST. Wara li jiksbu l-informazzjoni kollha li jeħtieġu jkunu f'pożizzjoni aħjar sabiex jagħmlu d-deċiżjoni korretta.

L-MCAST iqiegħed lill-interessi ta' l-istudenti fiċ-ċentru ta' ambjent edukattiv ferm inklussiv. L-istudenti jkunu mistennija jipparteċipaw f'attivitajiet u f'inizjattivi li ma jkunux direttament relatati ma' l-edukazzjoni u mat-taħriġ tagħhom imma li li jgħinuhom jiżviluppaw u jkabbru t-talenti, il-personalità u l-karattru tagħhom.

Barra minn hekk, sakemm idumu fil-Kulleġġ l-istudenti mistennija jistudjaw u jipprattikaw jagħmlu mill-aħjar li jistgħu. Fil-fatt, is-suċċess tal-Kulleġġ matul dawn l-aħħar seba' snin mhux biss kien rizultat ta' l-impatt ta' amministrazzjoni effettiva fiċ-ċentru u f'kull istitut u l-impenn professjonali ta' l-istaff ta' l-għalliema imma anki r-riżultat tax-xogħol sfiq ta' numru kbir ta' studenti li sfruttaw b'mod sħiħ u b'suċċess l-opportunitajiet li ġew offruti lilhom fil-Kulleġġ.

Nixtieq lil kull student, kemm lill-istudenti ġodda kif ukoll lil-istudenti dawk li qed jirritornaw għal sena oħra biex ikomplu l-istudji tagħhom fil-Kulleġġ, suċċess fl-edukazzjoni u fit-taħriġ tagħhom mhux biss fl-interess personali tagħhom imma wkoll għall-ġid ta' pajjiżna.

Mr. Paul A. Attard
President
Board of Governors
MCAST